SIL Mexico

Náhuatl de Morelos

(moixmati nhm ika ISO)

Xikkaki sente tlajpalole ka nin
nahuatl nikan Morelos.
detalle de la pirámide de Xochicalco

 

 

Nin nahuatl Morelos tlajtlajtouaj miejkan nin chantij nikan Morelos. Sekin tlanelojkej nahuatl, inon tlajtlajtouaj kikuitiaj inlengua mejikano. Nin kampa okache tlajtlajtouaj: Kuentepek, Hueyapan, Santa Catarina uan Xoxocotla. Maske Tetelcingo iteuan ka ipan nin Morelos, nin kenime ijuan tlajtlajtouaj la ueyi oksentlamantle.

El náhuatl de Morelos ubicado en México
Mapa de Morelos
 

Non chantij Kuentepek, kijtouaj non inkoltzitzin iuejka, oualejkej nin kampa oktaya Xochikale. Inin mokaua kana 8 kilometros kampa ka Kuentepek. Oksekin kijtouaj oualejkej non oksektlapatl kampa ka inon atenko non kikuitiaj Tembembe.

 
Xochicalco
Ijuiyo kouatl itekatl ipan Xochikale
 

Kijtoua nin censo de INEGI 2000, nin tlajtlajtouaj nahuatl nikan Morelos kana 18,656 tlakaj.

 

Gabanera de Hueyapan

mujer de Cuentepec

Nin Hueyapan la kimixmatij, por oknoma kinchijchiuaj tzotzomajmej ika itoka telar. Kinchijchiuaj kuajkualtin telmajmej, bufandas uan payojmej.

Nin siuamej nin chantij Kuentepek uan Hueyapan oknoma majakiaj kenime iuejka. Nikan Kuentepek makiaj inkuej iuan inlelentar tlamelajtle pipitzauak.

 


Nin melio nin kikuij ualeua nin ika tokaj. Maske ijkuak tlakistle, miektin nin tlakaj kisaj. Yaj kitemouaj tekitl ka oksejkan nikan Morelos noso okache uejka, sekin yauij ika norte. Nikan Kuentepek kitokaj tlayole, yetl, chile uan tlalkakauatl. Hueyapan kixmatij por kache amo uetl tona, kache kiaui uan kache onkatej kuamej non itech mochiua fruta. Ompa Kuentepek non siuamej uan non pilamej yaj kitekij tlachpauastle uan yauij kinemakaj nojnouiyan. Sekin siuamej tlachiuaj ajpasmej, komalmej uan okseke tlemach.

—Elke Müller

 

Inin fotos ipan Hueyapan inuaxka nin Gobierno nin nikan Morelos, Secretaría de Turismo uan okintlanetijkej.

 


Publicaciones

Xikita iteuan

Nin alfabeto nahuatl nikan Morelos
Kenika omochantijkej nikan Kuentepek